យានដ្ឋាន មហាលាភ បើក​សម្ពោធ​ជា​ផ្លូវការ

ភ្នំពេញ៖ យានដ្ឋាន មហាលាភ ដែលជាយានដ្ឋានជួសជុលធំជាងគេ ក្នុងរាជធានីភ្នំពេញ បានចាប់សម្ពោធ ជាផ្លូវការហើយ កាលពីថ្ងៃទី ១៥ ខែវិច្ឆិកា ឆ្នាំ ២០១៣ កន្លងទៅ ដោយអញ្ជើញចូលរូមកាត់ខ្សែបូ ពីលោក ជ្រាង សុផាន់ អភិបាលរងរាជធានីភ្នំពេញ។
លោក ជា ដាវុធ អ្នកគ្រប់គ្រងយានដ្ឋានមហាលាភ បានប្រសាសន៍ថា យានដ្ឋានមហាលាភនេះ ចាប់ផ្តើម អាជីវកម្មតាំងពីឆ្នាំ ២០០៩ ដែលបានការគាំទ្រ និងទទួលស្គាល់ពី អតិថិជនយ៉ាងច្រើន ក្នុងរាជធានីភ្នំពេញ និងតាមបណ្តាខេត្ត មួយចំនួនទៀត។ យានដ្ឋានមហាលាភ មានផ្តល់សេវាជាច្រើន ដូចជា ជួសជុលរថយន្ត តោន បាញ់ថ្នាក់រថយន្ត និងប៉ាណូពាណិជ្ជកម្ម ជាពិសេសប្តូរប្រព័ន្ធហ្គាស។
លោកបានបន្តថា ថ្មីៗនេះ យានដ្ឋានមហាលាភ បានសហការជាមួយ ក្រុមហ៊ុន AC មកពីប្រទេសថៃ ដែលជាក្រុមហ៊ុនមាន កេរ្តិ៍ឈ្មោះល្បីល្បាញ និងមានបទពិសោធន៍ជាង ២០ ឆ្នាំ ក្នុងការប្តូរប្រព័ន្ធហ្គាស នៅប្រទេសថៃ។ ក្រុមហ៊ុន AC ជាក្រុមហ៊ុន ដែលនាំយកមកនូវបច្ចេកវិទ្យា និងផលិតផលទំនើបៗ មកពីសហគមអឺរ៉ុប ដែលជួយកាត់បន្ថយការ ចំណាយរហូតដល់ ៥០ ភាគរយ បើធៀបនឹងការ ប្រើសាំងមកហ្គាសនេះ ៕