ខេត្តប៉ៃលិន ៖ រថយន្តកាមរីបាឡែនពណ៌ស្ករ
ស៊េរីទំនើបមួយគ្រឿងជិះគ្នា៥នាក់
ក្នុងនោះស្រី៣នាក់បើកបរដោយយុវជនម្នាក់ក្នុងល្បឿនលឿនពេក
ត្រង់ចំណុចផ្លូវកែងក្រឡាប់ជាច្រើនត្រឡប់ធ្លាក់ចូលទៅ
ក្នុងស្នាមភ្លោះ បណ្តាលឱ្យរបួសធ្ងន់ចំនួន២នាក់ ស្រាលម្នាក់
និងអត់របួសចំនួន២នាក់ ចំណែករថយន្តរងការខូចខាតជាង៧០% ។
ហេតុការណ៍នេះបានកើតឡើងកាលពីវេលាម៉ោង១រសៀលថ្ងៃទី១២ កុម្ភៈ
២០១៣ លើកំណាត់ផ្លូវជាតិលេខ៥៩ ត្រង់ចំណុចបន្ទាយទាហានស្រែម្អម
ក្នុងភូមិភ្នំស្ពង់ ស្រុកសាលាក្រៅ ។
ជនរងគ្រោះ ១-ឈ្មោះវ៉េត ឆវ័ន្ត ភេទប្រុស
អាយុ២១ឆ្នាំ ជាសិស្សរងរបួសធ្ងន់សន្លប់នៅនឹងកន្លែង
ជាអ្នកបើករថយន្ត រស់នៅភូមិអូរដា ឃុំអូរដា ស្រុកកំរៀង
ខេត្តបាត់ដំបង ២-ឈ្មោះនន់ ចន្នី ភេទស្រី អាយុ២០ឆ្នាំ
ជាបុគ្គលិកកាស៊ីណូ រងរបួសធ្ងន់បែកក្បាល
រយះដៃជើងដេរអស់ជាច្រើនថ្នេរ រស់នៅភូមិបឹងរាំង ឃុំបឹងរាំង
ស្រុកកំរៀង ខេត្តបាត់ដំបង ៣-ឈ្មោះយិន ចន្ថា ភេទស្រី អាយុ១៩ឆ្នាំ
ជាកសិករ របួសស្រាល រស់នៅភូមិស្វាយ ឃុំបឹងរាំង ស្រុកកំរៀង
ខេត្តបាត់ដំបង ៤-ឈ្មោះស្រីពៅ អាយុ១៨ឆ្នាំ ជាកសិករ
និង៥-ឈ្មោះឈឿន ស៊ីយ៉េត ភេទប្រុស អាយុ២០ឆ្នាំ
ទាំង២នាក់នេះអត់រងរបួស រស់នៅភូមិបឹងរាំង ឃុំបឹងរាំង
ស្រុកកំរៀង ៕
0 comments:
Post a Comment