រាជធានីភ្នំពេញ ៖
ស្ត្រីម្នាក់ដែលអះអាងថាខ្លួនរវល់តែទាញខ្សែក្រវាត់សុវត្ថិភាព
ពាក់ឱ្យកូនស្រី ទើបបានបើករថយន្តឡិចស៊ីស RX300 ពណ៌ខ្មៅ
មួយគ្រឿងក្នុងល្បឿនលឿន
ទៅបុករបងថ្មរបស់កងពលតូចដឹកជញ្ជូនលេខ៩៩
បាក់កាលពីវេលាម៉ោង១និង៣៥នាទីរំលងអធ្រាត្រឈានចូលថ្ងៃទី២៦
កុម្ភៈ ២០១៣ តាមបណ្តោយផ្លូវលេខ២០០៤ ទល់មុខផ្ទះសំណាក់លឹម ហេង
ក្នុងសង្កាត់កាកាប ខណ្ឌពោធិ៍សែនជ័យ ។
ស្រ្តីដែលបើករថយន្តឡិចស៊ីស RX300 ពណ៌ខ្មៅ
បង្កហេតុខាងលើឈ្មោះស៊ីណា អាយុ២៨ឆ្នាំ ជាម្ចាស់ហាងម៉ាស្សាមួយ
ស្នាក់នៅក្នុងសង្កាត់កាកាប ខណ្ឌពោធិ៍សែនជ័យ បានឲ្យដឹងថា
មុនពេលកើតហេតុគាត់បានបើករថយន្តចេញពីភោជនីយដ្ឋានមួយដឹកកូនស្រីរបស់
គាត់ទៅផ្ទះវិញ ដោយធ្វើដំណើរតាមផ្លូវ២០០៤ ក្នុងទិសដៅពីត្បូងទៅជើង
ស្រាប់តែមកដល់ចំណុចកើតហេតុកូនស្រីតូចរបស់គាត់បានដេកលក់ឃើញដូចនោះគាត់
បានទាញខ្សែក្រវាត់សុវត្ថិភាពពាក់ឲ្យកូន
ព្រោះខ្លាចកូនស្រីរបស់គាត់ធ្លាក់ពីលើកៅអីរថយន្ត
ទើបរេចង្កូតទៅបុករបងថ្មរបស់កងពលតូចដឹកជញ្ចូនលេខ៩៩ ចំពីមុខពេញទំហឹង
បណ្តាលឱ្យបាក់ធ្លាយ។ តែសំណាងល្អគាត់និងកូនស្រីតូចមិនមានរងរបួសទេ
ដោយគ្រាន់តែខូចខាតរថយន្តមួយកំណាត់មុខប៉ុណ្ណោះ៕
0 comments:
Post a Comment