យានដ្ឋាន មហាលាភ បើក​សម្ពោធ​ជា​ផ្លូវការ

ភ្នំពេញ៖ យានដ្ឋាន មហាលាភ ដែលជាយានដ្ឋានជួសជុលធំជាងគេ ក្នុងរាជធានីភ្នំពេញ បានចាប់សម្ពោធ ជាផ្លូវការហើយ កាលពីថ្ងៃទី ១៥ ខែវិច្ឆិកា ឆ្នាំ ២០១៣ កន្លងទៅ ដោយអញ្ជើញចូលរូមកាត់ខ្សែបូ ពីលោក ជ្រាង សុផាន់ អភិបាលរងរាជធានីភ្នំពេញ។
លោក ជា ដាវុធ អ្នកគ្រប់គ្រងយានដ្ឋានមហាលាភ បានប្រសាសន៍ថា យានដ្ឋានមហាលាភនេះ ចាប់ផ្តើម អាជីវកម្មតាំងពីឆ្នាំ ២០០៩ ដែលបានការគាំទ្រ និងទទួលស្គាល់ពី អតិថិជនយ៉ាងច្រើន ក្នុងរាជធានីភ្នំពេញ និងតាមបណ្តាខេត្ត មួយចំនួនទៀត។ យានដ្ឋានមហាលាភ មានផ្តល់សេវាជាច្រើន ដូចជា ជួសជុលរថយន្ត តោន បាញ់ថ្នាក់រថយន្ត និងប៉ាណូពាណិជ្ជកម្ម ជាពិសេសប្តូរប្រព័ន្ធហ្គាស។
លោកបានបន្តថា ថ្មីៗនេះ យានដ្ឋានមហាលាភ បានសហការជាមួយ ក្រុមហ៊ុន AC មកពីប្រទេសថៃ ដែលជាក្រុមហ៊ុនមាន កេរ្តិ៍ឈ្មោះល្បីល្បាញ និងមានបទពិសោធន៍ជាង ២០ ឆ្នាំ ក្នុងការប្តូរប្រព័ន្ធហ្គាស នៅប្រទេសថៃ។ ក្រុមហ៊ុន AC ជាក្រុមហ៊ុន ដែលនាំយកមកនូវបច្ចេកវិទ្យា និងផលិតផលទំនើបៗ មកពីសហគមអឺរ៉ុប ដែលជួយកាត់បន្ថយការ ចំណាយរហូតដល់ ៥០ ភាគរយ បើធៀបនឹងការ ប្រើសាំងមកហ្គាសនេះ ៕

Read More

ឃើញសពអណ្ដែតទឹក ក្នុងដីរបស់ខ្លួន មេប៉ុស្ដិ៍សង្កាត់និរោធ ឱ្យគេអូស​ ទម្លាក់ទៅក្រោម (មានវិដេអូ)

នំពេញ ៖ ដោយមិនចង់ចំណាយលុយ កាក់ និងខាតពេលវេលា ដើម្បីស្រង់សព មនុស្សម្នាក់ ដែលស្លាប់អណ្ដែតទឹកក្នុងទឹក ដីរបស់ខ្លួន នាយនគរបាលប៉ុស្ដិ៍និរោធ ខណ្ឌ  មានជ័យ លោក ឃឹម សារ៉ាវង្ស បានឱ្យអ្នក ចិញ្ចឹមត្រីក្នុងបែរជួយអូសសពជនរងគ្រោះ ឱ្យហូរតាមទន្លេ បាសាក់ទៅក្រោម ចូលទៅ ក្នុងទឹកដីសង្កាត់ផ្សេង នោះនឹងគ្មានការទទួល ខុសត្រូវរបស់លោកឡើយ ។
ប្រភពព័ត៌មានពីអ្នកធ្វើការ នៅកន្លែង បែរត្រីបាននិយាយថា កាលពីវេលាម៉ោង ប្រមាណ១០ព្រឹក ថ្ងៃទី១៨ ខែវិច្ឆិកា ឆ្នាំ ២០១៣ ពួកគេបានឃើញសពបុរសម្នាក់ ស្លៀកខោខូវប៊ូយ ពណ៌ខៀវ ពាក់អាវ ឆ្នូត ស និងពាក់ខ្សែក្រវ៉ាត់ពណ៌លឿង អាយុ ជាង ៣០ឆ្នាំ អណ្ដែត ក្នុងទឹកទន្លេ នៅភូមិ កោះនរា សង្កាត់និរោធ ខណ្ឌមានជ័យ មិន ដឹងថា ហូរធ្លាក់មកពីខាងណានោះឡើយ ។
ក្រោយប្រទះឃើញ សពជនរងគ្រោះ អណ្ដែតក្នុងទឹកទន្លេខាងលើនេះ ប្រជាពល រដ្ឋ បានរាយការណ៍ជូនសមត្ថកិច្ចមូលដ្ឋាន ដើម្បីស្រង់យកសពជនរងគ្រោះ មកលើ គោក ហើយធ្វើការស្រាវជ្រាវស្វែងរកសាច់ ញាតិដើម្បីមកទទួលយកសព ទៅធ្វើបុណ្យ តាមប្រពៃណី ។
ប៉ុន្ដែ អ្វីដែលធ្វើឱ្យហួស ចិត្ដជាទីបំផុតនោះ សមត្ថកិច្ចមូលដ្ឋានបែរ ជាមិនបានមកអូសសពដាក់ទៅលើគោក ផ្ទុយទៅវិញ នាយនគរបាលប៉ុស្ដិ៍សង្កាត់ និរោធ បានប្រាប់ឱ្យកម្មករនៅបែរត្រីជួយ អូសសពជនរងគ្រោះនោះ យកមកដាក់ កណ្ដាលទន្លេបាសាក់ ឱ្យអណ្ដែតទៅក្រោម ផុតពីទឹកដីរបស់ខ្លួនទៅវិញ ដោយសារតែ នាយនគរបាលប៉ុស្ដិ៍រូបនេះ មិនចង់ចំណាយ លុយ និងមិនចង់ចំណាយពេលវេលាឥត ប្រយោជន៍ ទៅស្រង់ខ្មោចចេញពីទឹក ។
ប្រភពព័ត៌មានបានបន្ដថា សពជនរង គ្រោះ បានហូរទៅក្រោមតាមដងទន្លេ បាសាក់ ឆ្លងកាត់ស្ពានព្រះមុនីវង្សថ្មី-ចាស់ ទៅដល់សង្កាត់ចាក់អង្រែលើ ចាក់អង្រែ ក្រោមបាត់ទៅហើយ ។ យ៉ាងណាក៏ដោយ មិនមានព័ត៌មានជាក់លាក់ បញ្ជាក់ពីអត្ដ សញ្ញាណជនរងគ្រោះ ទីលំនៅ និងមូលហេតុ នៃការស្លាប់នោះទេ ដោយសារតែសមត្ថ កិច្ចប៉ុស្ដិ៍និរោធ បែរជាមិនទទួលខុសត្រូវ ចំពោះសពជនរងគ្រោះនេះទៅវិញ ។
ជាមួយគ្នានេះ កាលពីយប់ថ្ងៃទី១៧ ខែ វិច្ឆិកា ឆ្នាំ២០១៣ មានសេចក្ដីរាយការណ៍ ថា មានករណីលោតសម្លាប់ខ្លួនពីលោកស្ពាន ជ្រោយចង្វារ ប៉ុន្ដែ សេចក្ដីរាយការណ៍ខាង លើបានបញ្ជាក់ថា ជនរងគ្រោះជាមនុស្ស ស្រី អាយុជាង ២០ឆ្នាំ ដូច្នេះសពជនរង គ្រោះ ដែលគេប្រទះឃើញ អណ្ដែត ទឹកខាង លើនេះ មិនដឹងច្បាស់ថា ជាជនរងគ្រោះ លោតសម្លាប់ពីលើស្ពានជ្រោយចង្វារនោះ ឡើយ ព្រោះសពជាមនុស្សប្រុស រីឯជនរង គ្រោះ ដែលលោតទឹកពីលើស្ពានជ្រោយ ចង្វារ ត្រូវបានគេបញ្ជាក់ថា ជាមនុស្សស្រី ៕

Read More

អាម៉េរិក៖ ស្លាប់២ដោយសារ ធ្លាក់យន្តហោះ នៅក្នុងរដ្ឋតិចសាស់

ហោស្តុន៖ ទីភ្នាក់ងារព័ត៌មាន ចិនស៊ិនហួ រាយការណ៍ នៅថ្ងៃចន្ទ ទី១៨ ខែវិច្ឆិកា ឆ្នាំ២០១៣ថា យន្តហោះធុនតូច មួយគ្រឿង បានធ្លាក់កាល ពីយប់ថ្ងៃអាទិត្យ នាអាកាសយានក្នុង ស្រុកនៅរដ្ឋតិចសាស់ ដែលបណ្តាលឱ្យ មនុស្សពីរនាក់ស្លាប់។
ក្រុមអ្នកពន្លត់អគ្គិភ័យ បានសំរុកទៅកាន់អាកាស យានដ្ឋាន David Wayne Hooks Memoria បន្ទាប់ពីគេទទូល បាន ព័ត៌មានឱ្យសង្រ្គោះបន្ទាន់។
អ្នកបើកបរម្នាក់ស្លាប់ នៅកន្លែងកើតហេតុ ខណៈម្នាក់ទៀតស្លាប់ ពេលបញ្ជូនទៅដល់មន្ទីរពេទ្យ ។ ជនរងគ្រោះ ត្រូវបានគេបញ្ជាក់ អត្តសញ្ញាណថា ម្នាក់ជាសិស្ស និងម្ចាស់ជាគ្រូបង្វឹក។ វាជាប្រភេទ យន្តហោះម៉ាស៊ីនមួយ ម៉ូដែល Cessna 152 ៕

Read More

ចំនួនភ្ញៀវ ទេសចរជាតិ និងអន្តរជាតិ ទៅទស្សនា ភ្នំបូកគោ មានការថយចុះ នៅឆ្នាំនេះ

កំពត៖ ចំនួនភ្ញៀវទេសចរទាំងជាតិ និងអន្តរជាតិ ដែលទៅទស្សនា ភ្នំបូកគោ នៅឆ្នាំនេះ មានជិត ២ម៉ឺននាក់ ដែលចំនួននេះថយចុះច្រើន បើប្រៀបធៀបកាល ពីឆ្នាំកន្លងទៅ ដោយសារតែបញ្ហាមួយចំនួនដូចជា បញ្ហាទឹកជំនន់ និងផ្លូវដែលត្រូវ ធ្វើដំណើរទៅនោះ មិនទាន់ត្រូវបាន ជួសជុលរួចរាល់ ។
លោក គឹម ធុណា មន្រ្តីនគរបាល ទេសចរណ៍ នៅលើភ្នំបូកគោ បានឲ្យដឹងថា ក្នុងរយៈ ពេល៣ថ្ងៃ មានភ្ញៀវទេសចរជាតិ១៩.៣៣០ នាក់ ភ្ញៀវទេសចរ អន្តរជាតិ ១.១៣០នាក់ មានរថយន្តចំនួន ១.៧៧២គ្រឿង និងម៉ូតូ ៩៧៦គ្រឿង។
លោកបានបន្តទៀតថា សម្រាប់ឆ្នាំនេះ មានភ្ញៀវ មកលេងកំសាន្ត តិចជាងឆ្នាំកន្លងទៅ ឆ្ងាយ ពោលកាលពីឆ្នាំកន្លង ទៅគ្រាន់តែ រយៈពេល ២ថ្ងៃ មានរថយន្ត ជិត៤ពាន់គ្រឿង។
មន្រ្តីនគរបាលរូបនេះ បានបន្តទៀតថា មូលហេតុ ដែលនាំ មានការថយចុះ របស់ភ្ញៀវមកលេង កំសាន្តនាឆ្នាំនេះ អាចបណ្តាល មកពីស្ថានភាព ទឹកជំនន់ និងផ្លូវជាតិលេខ ៣១-៣៣ ស្ថិតនៅក្នុងការ ជួសជុល។ យ៉ាងណាក៏ដោយ សម្រាប់រយៈ ពេល៣ថ្ងៃនេះ ពុំមានគ្រោះថ្នាក់ ចរាចរណ៍ កើតឡើង នោះទេ។
នៅថ្ងៃបុណ្យអុំទូក បណ្ដែតប្រទីប អកអំបុក និងសំពះព្រះខែ រហូតមកដល់ថ្ងៃ ទី១៨ ខែវិច្ឆិកា ឆ្នាំ២០១៣ នេះ ក៏មានភ្ញៀវ ទេសចរទាំងជាតិ និងអន្ដរជាតិ បាននាំគ្នា ទៅដើរលេងកំសាន្ដ នៅលើភ្នំបូកគោ ដោយសារតែ ពួកគេខ្លះ បានឈប់សម្រាក ពីថ្ងៃធ្វើការ ។
ដោយឡែក លោក សយ សុភាព អគ្គ នាយក មជ្ឈមណ្ឌល ព័ត៌មានដើមអម្ពិល និងលោកស្រី គង់ អំណត់ រួមជាមួយ សហការីមួយ ចំនួន នៅថ្ងៃទី១៨ ខែ វិច្ឆិកា នេះ ក៏បានធ្វើដំណើរកំសាន្ដទៅដើរ លេងនៅរមណីយដ្ឋាន ភ្នំបូកគោមួយ នេះផងដែរ ៕

Read More

សមត្ថកិច្ច គួររួមគ្នាដោះស្រាយ គ្រោះ ថ្នាក់ ចរាចរណ៍ ពេលចុះពីលើស្ពាន ព្រះ មុនីវង្ស

ភ្នំពេញ ៖ គ្រោះថ្នាក់ចរាចរណ៍ ជាច្រើន ករណី បណ្ដាលឱ្យស្លាប់ និងរងរបួស ព្រម ទាំងខូចខាតរថយន្ដម៉ូតូ និងសួនច្បារដោយ សារតែរថយន្ដធុនធំ ពេលធ្វើដំណើរចុះពី លើស្ពានព្រះមុនីវង្សថ្មី ឆ្ពោះទៅតាមផ្លូវ ជាតិលេខ១ ក្នុងសង្កាត់ច្បារអំពៅទី២ ខណ្ឌ មានជ័យ តែងតែជ្រុលទៅបុកម៉ូតូ និង រថយន្ដដែលកំពុងធ្វើដំណើរនៅពីមុខ ។
គ្រោះថ្នាក់ចរាចរណ៍ ក្នុងរូបភាពដដែលៗ ខាងលើនេះ មិនទាន់មានវិធានការដោះ ស្រាយណាមួយ ពីសមត្ថកិច្ចពាក់ព័ន្ធក៏ដូច ជាអាជ្ញាធរនោះឡើយ ដូច្នេះបើសិនពុំមាន ដំណោះស្រាយនោះ ច្បាស់ជាទៅថ្ងៃខាង មុខទៀត បង្កជាគ្រោះមហន្ដរាយធ្ងន់ធ្ងរ ជាងនេះជាក់ជាមិនខានឡើយ ពីព្រោះប្រជា ពលរដ្ឋដែលរកស៊ីលក់ដូរ និងរថយន្ដឈ្នួល ឈប់ដាក់ម៉ូយ នៅខាងស្ដាំដៃផ្លូវជាតិលេខ ១ មានជាច្រើននាក់ បើរថយន្ដធុនធំណា មួយពេលចុះលើស្ពានព្រះមុនីវង្សថ្មី ហើយ ដាច់ហ្វ្រាំង ឬក៏ហ្វ្រាំងមិនស៊ីជ្រុលចង្កូតទៅ ខាងស្ដាំដៃនោះ ច្បាស់ជាផ្ដាច់ជីវិតមនុស្ស យ៉ាងច្រើនជាក់ជាមិនខានឡើយ ។
ប្រជាពលរដ្ឋជាច្រើន បានអំពាវនាវឱ្យ ថ្នាក់ដឹកនាំនគរបាល រាជធានីភ្នំពេញ ថ្នាក់ ដឹកនាំអាវុធហត្ថ ក៏ដូចជាអាជ្ញាធររាជធានី ភ្នំពេញ គួរជួបពិភាក្សាគ្នាគួរជួបពិភាក្សាគ្នា ដោះស្រាយបញ្ហានេះ តាមរូបភាពផ្សេងៗ ដែលអាចទៅរួច ជៀសវាងទុកបណ្ដែត បណ្ដោយ រហូតមកដល់ពេលនេះ និងតទៅ ថ្ងៃខាងមុខ ធ្វើឱ្យមានគ្រោះថ្នាក់កាន់តែធំ ជាងនេះក៏ថាបាន ។
ជាក់ស្ដែងកាលពីព្រឹកថ្ងៃទី១៧ ខែវិច្ឆិកា ឆ្នាំ២០១៣ ស្ដ្រីជាម្ដាយ និងកូនស្រីបាន ស្លាប់ភ្លាមៗនៅកន្លែងកើតហេតុ ដោយ បន្សល់ទុកក្មេងប្រុស២នាក់ម្នាក់អាយុ ៣ឆ្នាំ និងម្នាក់ទៀតអាយុ ៤ឆ្នាំ ត្រូវជាចៅ និង កូនប្រុស បានរងរបួសធ្ងន់ដោយសារតែ រថយន្ដធុនធំម៉ាកហ៊ីយ៉ាន់ដាយ ដឹកទ្រុងមាន់ ពេលកំពុងចុះពីលើស្ពាន ព្រះមុនីវង្សថ្មីជ្រុល ចង្កូតទៅបុកពួកគេទាំង ៤នាក់ ពេលកំពុង ជិះម៉ូតូនៅពីខាងមុខ ។
ជុំវិញគ្រោះថ្នាក់ចរាចរណ៍ខាងលើនេះ អ្នកបើករថយន្ដ បានប្រាប់សមត្ថកិច្ចក្រោយ ការចាប់ខ្លួនថា មកពីដាច់ហ្វ្រាំង ប៉ុន្ដែធាតុ ពិត នៅពេលសមត្ថកិច្ចឡើងទៅបើករថយន្ដ គឺហ្វ្រាំងអត់ដាច់នោះទេ នោះអាចបណ្ដាល មកពីអ្នកបើករថយន្ដ ភ័យ ឬក៏ស្ទើរភ្លើង ខណៈដែលឃើញមនុស្សច្រើនពេកនៅពី ខាងមុខ ។ នេះជាគ្រោះថ្នាក់ចរាចរណ៍ថ្មីចុង ក្រោយ ដែលបណ្ដាលឱ្យស្លាប់ និងរងរបួស ៤នាក់ ខណៈដែលគ្រោះថ្នាក់ក្នុងរូបភាព ដដែលៗនេះ បានកើតឡើងជាច្រើនដងមក ហើយ នៅចំណុចកើតហេតុខាងលើបង្កឡើង ដោយរថយន្ដធុនធំ ។ ដូច្នេះវាដល់ពេលវេលា សម្រាប់ឱ្យសមត្ថកិច្ច និងអាជ្ញាធរពាក់ព័ន្ធ រកដំណោះស្រាយណាមួយ ឬក៏កំណត់រថយន្ដ ធុនធំដឹកទំនិញ បើកឆ្លងកាត់ស្ពានព្រះមុនី វង្ស ទាំងថ្មីទាំងចាស់ ជៀសវាងបង្កគ្រោះ ថ្នាក់បុកអ្នកដំណើរស្លាប់ និងរបួសយ៉ាង ដូច្នេះ ៕

អ្នកបើករថយន្តបង្ក ឈ្មោះ អោក ដារ៉ា

Read More

អាម៉េរិក៖ ខ្យល់ព្យុះគួច តូណាដូ សម្លាប់មនុស្ស យ៉ាងតិចណាស់ ៥នាក់

ញ៉ូវយ៉ក៖ កាសែតញូវយ៉កថែមស៍ រាយការណ៍ឱ្យដឹងថា ខ្យល់ព្យុះគួច តូណាដូ សម្លាប់មនុស្សយ៉ាងតិចណាស់ ៥នាក់ នៅក្នុងរដ្ឋអ៊ីលីណយស៍ សហរដ្ឋអាម៉េរិក នៅថ្ងៃអាទិត្យទី១៧ ខែវិច្ឆិកា ឆ្នាំ២០១៣។
បណ្តាមន្រ្តីនានា បានព្រមានពីកម្លាំងខ្យល់យ៉ាងខ្លាំងសន្ធាប់ ជាប្រភេទខ្យល់ព្យុះផ្តាច់ផ្តិលជីវិត នៅព្រឹកថ្ងៃអាទិត្យ និង បានតាមដានតូណាដូ ពេញមូយថ្ងៃ សម្រាប់តំបន់មួយចំនួនដូចជា អីលីណយស៍ ឥណ្ឌាណា អាយអូវ៉ា មីជីហ្គេ មីសូរី អូហៃយ៉ូ និងវីស្កូស៊ីន។
យ៉ាងណាក៏ដោយមនុស្សប្រាំនាក់ត្រូវគេរាយការណ៍ថា បានស្លាប់ នៅក្នុងរដ្ឋវ៉ាស៊ីនតោន អ៊ីលីណយស៍ ដែលទីក្រុងធំជាងគេត្រូវខ្យល់បោកលើ។
ខ្យល់គួចនេះ ក៏បានបង្កឱ្យមានការដាច់ចរន្តអគ្គិសនី នៅរដ្ឋជីហ្គាហ្គោ និងតំបន់ក្បែរខាង។ មនុស្សជាង៨៩.០០០នាក់ត្រូវគេរាយការណ៍ថា អត់ចរន្តចរន្តអគ្គិសនីប្រើប្រាស់ នៅភាគខាងជើងរដ្ឋ អ៊ីលីណយស៍៕

Read More

ផ្សារទំនើប វៀតណាមបិទ ទាំងដំណើរការ មិនដល់១ឆ្នាំ

ភ្នំពេញ៖ ផ្សារទំនើបវៀតណាម ដែលមានទីតាំងនៅទីក្រុងភ្នំពេញ តាមបណ្ដោយផ្លូវព្រះមុនីវង្ស បានបិទដំណើរការ បន្ទាប់ពីមានវត្តមាន នៅ ប្រទេសកម្ពុជាមិនដល់មួយឆ្នាំផងនោះ។ ការបិទនេះត្រូវបាន គេសង្ស័យថា មូលហេតុមកពីក្ស័យធន ខណៈម្ចាស់ផ្សារមិនបានបញ្ជាក់នោះទេ។
មជ្ឈដ្ឋានមហាជនជាច្រើន បាននិយាយថា ការបិទនេះ ក៏ព្រោះតែការដិតដាម ក្នុងសតិអារម្មណ៍ថា ផលិតផលរបស់វៀតណាម ជាផលិតផលមិន ល្អ ឆាប់ខូច ឬហៅម្យ៉ាងទៀតថា ជារបស់ «យ៉ា» និងខ្លះទៀត បានអះអាងថា ការលក់មិនដាច់នេះ ដោយសារបញ្ហាជាតិនិយម ទើបធ្វើពហិការ មិនប្រើប្រាស់ផលិតផលវៀតណាម។
ការបិទផ្សារទំនើបវៀតណាមនេះ បានធ្វើមានការចាប់អារម្មណ៍ផងដែរ ដល់អ្នកជំនួញក្នុងស្រុក ក៏ព្រោះតែវាបង្ហាញយ៉ាងច្បាស់ថា ផលិតផល ទាំងនោះ មិនអាចប្រកួតប្រជែង ជាមួយប្រទេសដទៃទៀតបាន ទើបបិទទ្វារ ទាំងដំណើរការមិនបានមួយឆ្នាំបែបនេះ។
ពាក់ព័ន្ធនឹងការបិទផ្សារទំនើបវៀតណាមនេះ មជ្ឈមណ្ឌលដើមអម្ពិល បានទំនាក់ទំនងសុំការបញ្ជាក់ពីលោក ម៉ែង ដែលគេស្គាល់ថា ជាម្ចាស់ផ្សារ ទំនើបវៀតណាម ដើម្បីសុំការបញ្ជាក់ តែត្រូវលោកបដិសេធ មិនអត្ថាធិប្បាយនោះទេ។
បើក្រឡេកមកមើល ទំហំពាណិជ្ជកម្មរវាងកម្ពុជា-វៀតណាម ដែលបង្ហាញដោយក្រសួងពាណិជ្ជកម្មកម្ពុជាវិញ បានឲ្យដឹងថា នៅឆ្នាំ២០១៣នេះ ទំនាក់ទំនងពាណិជ្ជកម្មកម្ពុជា-វៀតណាម អាចនឹងកើនដល់ ៣.៥០០ដុល្លារអាមេរិក ។ ក្នុងនោះកម្ពុជា នាំចូលវៀតណាម ត្រឹមតែប្រមាណ ៥០០ លានដុល្លារប៉ុណ្ណោះ ខណៈវៀតណាមនាំចូលកម្ពុជាវិញ មានដល់ទៅ ៣០០០ពាន់លានដុល្លារ ។ ជាងនេះរយៈពេល ៩ខែដើមឆ្នាំនេះ តួលេខ ពាណិជ្ជកម្មរវាងកម្ពុជា និងវៀតណាម មានទឹកប្រាក់ប្រហែល ២.៦៩៨លានដុល្លារ សហរដ្ឋអាម៉េរិក ក្នុងនោះទំនិញនាំចូលពីប្រទេសវៀតណាម មកប្រទេសកម្ពុជា មានចំនួនទឹកប្រាក់ប្រហែល ២.២៩៤លានដុល្លារសហរដ្ឋអាម៉េរិក ហើយទំនិញនាំចេញពី ប្រទេសកម្ពុជា ទៅកាន់ប្រទេស វៀតណាម មានចំនួនទឹកប្រាក់ ៤០៣លានដុល្លារ សហរដ្ឋអាម៉េរិក។
តួលេខនេះ អាចបញ្ជាក់យ៉ាងច្បាស់ថា ហាក់មិនមែនដោយសារជាតិនិយមទេ ព្រោះទំហំពាណិជ្ជកម្មនៅដដែលបែបនេះ។ អ្នករកស៊ីខ្លះទៀត យល់ឃើញថា ការបិទផ្សារនេះ ដោយម្ចាស់ផ្សារខាងលើ ដាក់ឈ្មោះផ្សារអត់ហុងស៊ុយ។ ដាក់ថា «ផ្សារទំនើបវៀតណាម» គឺអត់ហុងស៊ុយតែម្តង ពោលគឺបញ្ជាក់ថា លក់ទំនិញរបស់វៀតណាម ដែលផ្នត់គំនិតរបស់ខ្មែរថា ជាផលិតផលអន់លេខ១ ហើយថា ត្រូវហុងស៊ុយតែសម្រាប់ភ្ញៀវ វៀតណាមខ្លួនឯងប៉ុណ្ណោះ។
អ្នករកស៊ីខាងលើ បានឧទាហណ៍ថា ផ្សារទំនើបដែលបើកយ៉ាងច្រើន ដំណាលគ្នានឹងផ្សារទំនើបវៀតណាមនេះ ហើយគេដំណើរការយ៉ាងល្អ រីកចម្រើន ទាស់ខុសអីតែផ្សារទំនើបវៀតណាម បិទជាស្ថាពរបែបនេះ។ នេះមិនមកពីខុសហុងស៊ុយឈ្មោះទេឬ តែយ៉ាងការគិតខាងលើនេះ គ្រាន់តែជាការវិភាគក្រៅផ្លូវការប៉ុណ្ណោះ ទាល់តែម្ចាស់ ទើបអាចបញ្ជាក់ច្បាស់លាស់បាន៕

Read More

បុរសជនជាតិរុស្ស៊ីម្នាក់ ខ្យល់គរស្លាប់អណ្តែត ទឹកសមុទ្រនៅឆ្នេរហាវ៉ៃ ក្រុងព្រះសីហនុ

ព្រះសីហនុ៖ សពបុរសជនជាតិរុស្ស៊ីម្នាក់ ត្រូវបាន អ្នកនេសាទប្រទះឃើញអណ្តែតទឹកនៅ ឆ្នេរសមុទ្រហាវ៉ៃ ក្រោយបុរី អាម៉ារីយ៉ូ (សំណង់ជប៉ុន) ស្ថិតក្នុងក្រុម៣០ ភូមិ៣ សង្កាត់លេខ៣ ក្រុងខេត្តព្រះសីហនុ នាម៉ោង២ រសៀលថ្ងៃទី១៨ ខែវិច្ឆិកា ឆ្នាំ២០១៣។ ជាមួយនិងការប្រទះឃើញសពនេះ សមត្ថកិច្ចក៏បានអះអាងថា ជនរង គ្រោះស្លាប់ដោយសារខ្យល់គរ។
លោកវរសេនីយ៍ឯក កុល ផាលី ស្នងការង នៃស្នងការដ្ឋាននគរបាលខេត្តព្រះសីហនុ បានមានប្រសាសន៍ឱ្យដឹង ជនរងគ្រោះមានឈ្មោះ VYGLAZOV MAXIM អាយុ ៤៩ឆ្នាំ ជនជាតិរុស្ស៊ី កាន់លិខិតឆ្លងដែនលេខ 7169732 40 ចុះថ្ងៃទី ០៥ ខែធ្នូ ឆ្នាំ២០១១ ផុតកំណត់ថ្ងៃទី ០៥ ខែធ្នូ ឆ្នាំ២០២១ ទិដ្ឋិការលេខ EI 00591490  ចុះថ្ងៃទី ២៤ ខែតុលា ឆ្នាំ២០១៣ ផុតកំណត់ថ្ងៃទី ២៤ ខែមករា ឆ្នាំ២០១៤ ចូលមកតាមច្រកអាកាសយានដ្ឋានអន្តរជាតិភ្នំពេញ។
ប្រភពពីសាក្សីនៅកន្លែងកើតហេតុបានឱ្យដឹងថា បុរសជនជាតិរុស្ស៊ីនេះ ចូលចិត្តហូបសុរាជារៀងរាល់ថ្ងៃ មិនដែល លោះថ្ងៃណាទេ ហើយកាលពីថ្ងៃត្រង់ ថ្ងៃដដែលនេះគេបានឃើញរួបគាត់និងមិត្តភក្តិរបស់គាត់ចំនួន៣នាក់ទៀតដែលជាជនជាតិរុស្ស៊ី ដូចគ្នាបានធ្វើដំណើរតាមរថយន្តមួយគ្រឿង មកឈប់នៅអតីតកំពង់ផែរ AIR PORT ដែល មានថៅកែជនជាតិរុស្ស៊ីដូចគ្នា រួចក៏នាំគ្នាដើរកំសាន្ត និងហែលទឹកលេងធម្មតា ។
លុះមួយសន្ទុះក្រោយមកក៏ឮដំណឹងតាមរយៈអ្នកនេសាទថា បុរសរងគ្រោះខាងលើ បានស្លាប់អណ្តែតទឹកមកឆ្នេរ ហាវ៉ៃ ដែលមានចំងាយពីកន្លែងចតរថយន្តប្រវែងប្រហែល ២០០ម៉ែត្រ ឮដូចនោះមិត្តភក្កិជនរងគ្រោះ ក៏នាំគ្នាមក មើលជនរងគ្រោះតែម្តង ។
គេមិនអាចសាកសួរអ្វីពីប្រពន្ធរបស់ជនរងគ្រោះបាននៅឡើយទេ ក្រោយកើតហេតុ ព្រោះប្រពន្ធជនរងគ្រោះ ដែលជាជាតិរុស្ស៊ីដែរនោះ មិនចេះភាសាអង់គ្លេស។ សពជនរងគ្រោះត្រូវបានក្រុមគ្រួសារ និងមិត្តភក្តិយកទៅរក្សា ទុកនៅវត្តឥញ្ញាណ ហៅវត្តក្រោម រង់ចាំទាក់ទងទៅស្ថានទូតបញ្ជូនសពទៅប្រទេសកំណើតវិញ៕

Read More

នាយក​រដ្ឋ​មន្ត្រី​​ក្រិក​​បង្ខំចិត្ត​​បើក​ទូរ​ទស្សន៍​​រដ្ឋ​ ERT ឡើង​វិញ​​

ថ្ងៃអង្គារ ទី១៨ ខែមិថុនា ឆ្នាំ២០១៣ ម៉ោង ១៣:០៦

គេហទំព័របរទេស

ក្នុង​បន្ទប់​​ផ្សាយ​របស់​ទូរ​ទស្សន៍​​ ​ERT ​

​រដ្ឋា​ភិបាល​​ក្រិក​ត្រូវ​បង្ខំ​ចិត្ត​​​បើក ​​ឡើង​វិញ​​ជា​បណ្តោះ​អាសន្ន​​​នូវ​វិទ្យុ​​-​ទូរទស្សន៍​​​រដ្ឋ​​ ERT រហូត​ដល់​​មាន​ការ​កែ​ប្រែ​​​រចនា​​សម្ព័ន្ធ​​ថ្មី​​​ ក្រោយ​ពី​ការ​​សម្រេច​​របស់​​ក្រុម​​ប្រឹក្សា​​​រដ្ឋ​កាល​ពី​​ថ្ងៃ​ទី​​១៧ មិថុនា ។នាយក​រដ្ឋ​មន្ត្រី​​ក្រិក​​ លោក​អាន​តូ​​នីសសា​ម៉ា​រ៉ាស់ ​ដែល​បាន​​បញ្ជា​ឱ្យ​បិទ​​ទូរ​ទស្សន៍​​ ​ERT កាល​ពី​​​​ថ្ងៃ​ទី​​១១ មិថុនា​កន្លង​មក​នេះ បាន​​​​ប្រាប់​ដល់​​បណ្តា​ដៃ​គូ​​ក្នុង​រដ្ឋា​ភិបាល​​ចម្រុះ​​​​ពី​ការ​លុប​ ចោល​​ការ​សម្រេច​​ចិត្ត​របស់​​លោក​ដែល​​ទទួល​ការ​​រិះ​គន់​យ៉ាង​ខ្លាំង​​នៅ​ ក្រិក​​ និង​នៅ​​ឯ​បរទេស​​វិញ ប៉ុន្មាន​​នាទី​​មុន​ការ​​ប្រកាស​ពី​​ការ​វិនិច្ឆ័យ​​របស់​​ក្រុម​ប្រឹក្សា​ ​រដ្ឋ ។

បណ្តា​​សម្ព័ន្ធ​មិត្ត​ក្នុង​​រដ្ឋា​ភិបាល​ចម្រុះ​​ របស់​លោក​​សាម៉ា​រ៉ាស់​​ ធ្លាប់​បាន​​​ព្រមាន​​ពី​ការ​​ផ្ទុះ​បែក​​រដ្ឋា​ភិបាល​​ចម្រុះ​​នេះ និង​​ពី​លទ្ធ​ភាព​​នៃ​ការ​​បោះ​ឆ្នោត​​មុ​ន​​កាល​​កំណត់​​ជាយថា​ហេតុ​​មួយ​ ប្រសិន​បើ​​នាយក​រដ្ឋ​មន្ត្រី​​រូប​នោះ​​នៅ​តែ​​រក្សា​ទុក​​ការ​សម្រេច​ ចិត្ត​​របស់​លោក​​​បិទ​ទូរ​ទស្សន៍ និង​វិទ្យុ​​រដ្ឋ​ជាមួយ​​គន្លឹះ​​ដក​និយោជិត​​ចេញ​​ប្រមាណ​ជា​២.៧០០​នាក់ ។

ការ​សម្រេច​​​ចិត្ត​របស់​ក្រុម​​ប្រឹក្សា​​រដ្ឋ​ក្រិក ​​ឱ្យ​បើក​​ទូរ​ទស្សន៍ និង​វិទ្យុ​​រដ្ឋ​ឡើង​វិញ​​តាម​ការ​​ប្តឹង​​តវ៉ា​​របស់​បណ្តា​​និយោជិត​​ ញ៉ាំង​​ឱ្យ​មនុស្ស​​ជាច្រើន​​ពាន់​នាក់​​​ដែល​ប្រមូល​ផ្តុំ​​គ្នា​ធ្វើ​​ បាតុ​កម្ម​​តវ៉ា​​រយៈ​ពេល​​៧​ថ្ងៃ​​​ជាប់ៗ​គ្នា​​នៅ​មុខ​ទីស្នាក់​ការ​របស់​ ​ ​ERT ស្ថិត​នៅ​​ជាយ​ក្រុង​​អាថែន​ ភាគ​ខាង​ជើង​​​​ នាំ​គ្នា​ទះ​ដៃ​អប​អរ​សាទរ​​យ៉ាង​កង​រំពង ៕

Read More

ចាប់រថយន្ត ឡង់រ៉ូវែ ពាក់ស្លាកលេខ ខ.ម ដឹកឈើគ្រញូង តែសមត្ថកិច្ច យកឈើលាក់ទុកអស់ជាច្រើនដុំ

កំពង់ធំ៖ មានភាពមិន ប្រក្រតីមួយបាន កើតឡើងក្រោយពី ការបង្ក្រាបរថយន្ត ឡង់រ៉ូវែពាក់ស្លាកលេខ ខ.ម មួយគ្រឿង តែក្រោយការស្ទាក់ចាប់ រថយន្តខាងលើនេះ ឈើគ្រញូងជាច្រើនដុំ នៅលើរថយន្ត និងនៅទីស្នាក់ការអាវុធហត្ថ ស្រុកសន្ទុក សល់តែ៨ដុំប៉ុណ្ណោះ នេះដោយសារ តែកម្លាំងសមត្ថកិច្ចចម្រុះ រួមមាន កម្លាំងអាវុធហត្ថ ស្រុកសន្ទុក កម្លាំង នគរបាលមូលដ្ឋាន និងមន្រ្តីរដ្ឋបាលព្រៃឈើប្រចាំ នៅស្រុកសន្ទុក នាំគ្នាលួចដឹកជញ្ជូនឈើទាំងនោះ ចេញយកទៅលាក់ទុកអស់ ។
សេចក្តីរាយការណ៍មួយបានឲ្យដឹងថា ប្រតិបត្តិការចាប់ រថយន្តឡង់រ៉ូវែពណ៌ស ពាក់ស្លាកលេខ ខេមរភូមិន្ទ 2-9980 បានកើតឡើង នៅវេលាម៉ោងប្រមាណ៧យប់ ថ្ងៃទី២ ខែវិច្ឆិកា ឆ្នាំ២០១៣ ស្ថិតនៅស្រុកសន្ទុក តាមផ្លូវជាតិលេខ៦។ សេចក្តីរាយការណ៍បានបន្តទៀតថា ក្រោយពីចាប់បានរថយន្តទាំងនេះ គេឃើញមានឈើគ្រញូងជាច្រើនដុំ ជាហេតុនាំឲ្យសមត្ថកិច្ច ដែលចូលរួមបង្ក្រាបនោះ ស្រែកឃ្លាន និងខ្វា ក គ្រប់គ្នា ទើបឃុំឃិត លួចដឹកជញ្ជូនទៅលាក់ទុកដោយស្ងាត់ៗ ខ្លាចបែកការណ៍ ដល់ថ្នាក់លើ។
សេចក្តីរាយការណ៍ បានបន្តទៀតថា ដោយសារតែការចាប់ បានធ្លាយព័ត៌មានទើប គេបន្សល់ទុកឈើគ្រញូង ចំនួន៨ដុំ គឺនៅលើរថយន្ត២ដុំ និងយកទៅរក្សាទុក នៅទីបញ្ជាការដ្ឋាន អាវុធហត្ថស្រុកសន្ទុក៦ដុំ ដោយយកលេសថា ខ្លាចបាត់ តែតាមការពិត បានលួចអស់ទៅហើយនោះ។
បើតាមសេចក្តីរាយការណ៍ខាងលើនេះ កុំតែរថយន្តឡង់រ៉ូវែ បែកកង់ទៅមុខមិនរួច ទើបសមត្ថកិច្ច ចាប់បាន តែបើរថយន្ត មិនបែកកង់ច្បាស់ជា ធ្វើដំណើរដោយរលូនទៅមុខបាត់ហើយ៕

Read More

ទារិកាកើតមក ក្បាលពោះជាប់គ្នា មានដៃបួនជើងបួន ចាប់កំណើតនៅក្នុង គ្រួសារក្រីក្រវេទនា មួយក្នុងសង្កាត់ព្រៃស

 ភ្នំពេញ៖ ហេតុការណ៍ភ្ញាក់ផ្អើល បានកើតឡើង ដោយមានកូនភ្លោះ ស្រីពីរនាក់ បានចាប់កំណើតជាមួយគ្រួសារ មួយស្ថិតក្នុង ភូមិអន្លង់គងចាស់ សង្កាត់ព្រៃស ខណ្ឌដង្កោ រាជធានីភ្នំពេញ។

ស្ត្រីជាម្តាយរបស់កូនស្រី ភ្លោះមានឈ្មោះ ហុង ថាវី អាយុ២៦ឆ្នាំ មុខរបរកម្មការិនីរោង ចក្រទួលពង្រ និងស្វាមី ឈ្មោះ វ៉ាត ផល្លា អាយុ២៧ឆ្នាំ មានទីលំនៅ ភូមិអន្លង់គងចាស់ សង្កាត់ព្រៃស ខណ្ឌដង្កោ រាជធានីភ្នំពេញ។
ស្ត្រីជា ម្តាយបានរៀបរាប់ឲ្យដឹងថា នាងបានរៀបការជាមួយ នឹងស្វាមីរបស់នាងតាំងពី ឆ្នាំ២០០៩មកម៉្លេះ ក្រោយ មកនាងមានផ្ទៃពោះ កើតបានកូនប្រុសម្នាក់ ប៉ុន្តែដោយអនិចារ្យកូនកើត មកមិនគ្រប់ខែ ក៏បានស្លាប់ទៅវិញ។

នៅក្នុងរយៈពេលប៉ុន្មានឆ្នាំក្រោយ មកនាងក៏មានផ្ទៃ ពោះទៀត ហើយតាំងពីមាន ផ្ទៃពោះនោះមក នាងតែងតែ ដេកយល់ សុបិន្តឃើញទេវតាស្រី យកក្រវិលពីរប្រអប់តូច ហើយក្នុងមួយប្រអប់មានក្រវិល មួយគូមកហុចឲ្យនាង យកមករក្សាទុក។

ស្ត្រីជាម្តាយបានបញ្ជាក់ឲ្យដឹងទៀតថា ដោយអនុវត្តន៍តាមគ្រូពេទ្យ ជំនាញស្ត្រីគ្រប់រូប ដែលមានផ្ទៃពោះ ត្រូវតែ ទៅពិនិត្យផ្ទៃពោះ ឲ្យបានទៀងទាត់ ហើយរួបនាងនិងឪពុក របស់នាង បានឌុបនាងទៅមន្ទីរពេទ្យ ឯកជនមួយ ឈ្មោះ សុខសួស្តី អតីត មន្ទីរពេទ្យច័ន្ទ្រាវុធ ស្ថិតតាម បណ្តោយផ្លូវមុនីរ៉េត ខាងលិចផ្សារ ស្ទឹងមានជ័យ ខណ្ឌ មានជ័យ ដើម្បីពិនិត្យអេកូ ដោយដំបូង ពិនិត្យឃើញទារកមួយ ហើយនាងតែងតែទៅ ពិនិត្យផ្ទៃពោះនៅមន្ទីរពេទ្យ ជារៀងរាល់ខែ។

ស្ត្រីជាម្តាយបានបន្តរៀបរាប់ទាំង ទឹកមុខក្រៀមក្រំថា នៅពេលនាងឈឺពោះឆ្លងទន្លេ ក្រុមគ្រួសាររបស់នាង បាននាំ ទៅមន្ទីរពេទ្យ សុខសួស្តី អតីត មន្ទីរពេទ្យច័ន្ទ្រាវុធ ពេលនោះពិនិត្យអេកូ ម្តងទៀត ឪពុករបស់នាង ក៏បាននិយាយ តថ្លៃជាមួយពេទ្យ ដោយពេទ្យទារប្រាក់ ចំនួន៦០០ដុល្លា ឪពុកនាងក៏ព្រមឲ្យដែរ ប៉ុន្តែគ្រូពេទ្យបាន នាំទៅឆ្លុះអេកូលើកទីពីរ  ក៏ស្រាប់តែឃើញមាន ទារកពីរភ្លោះជាប់គ្នា ហើយគ្រូពេទ្យទាំងនោះមិនបាននិយាយស្តី អ្វីជាមួយឪពុក របស់នាង និងស្វាមីនោះទេ ក៏ប្រញាប់ប្រញាល់ដឹកបញ្ជូន នាងទៅមន្ទីរពេទ្យកាល់ម៉ែត។

បុរសម្នាក់ឈ្មោះ អ៊ុន សុភី អាយុ៥៧ឆ្នាំ ជាកសិករត្រូវជាឪពុកបង្កើត របស់នាងក៏បាន រៀបរាប់ឲ្យដឹងដែរ កាលពី ព្រឹកថ្ងៃម្សិលម៉ិញ នេះថា ក្រោយពីបញ្ជូនកូនស្រី របស់គាត់ទៅមន្ទីរពេទ្យ កាល់ម៉ែត កូនរបស់គាត់មិនអាចឆ្លង ទន្លេ តាមធម្មតាទេ គ្រូពេទ្យជំនាញបានរុញ ចូលបន្ទប់វះកាត់ ក៏បានចៅភ្លោះស្រីពីរ ក្បាលពោះជាប់គ្នា ផ្ចិតតែ មួយ ដៃបួន ជើងបួន គួរឲ្យចំឡែក ហើយពេលនោះខាង គ្រូពេទ្យកាល់ម៉ែត ក៏បានបញ្ជូនកូនភ្លោះស្រី របស់គាត់ ទៅកាន់មន្ទីរពេទ្យ គន្ធបុប្ផា ក្នុងគោលបំណងឲ្យលោក ដុកទ័រជំនាញៗ នៅមន្ទីរពេទ្យនោះ ជួយវះកាត់ ។

លោក អ៊ុន សុភី ប្រាប់បន្តទៀតថា ក្រោយមកដុកទ័រជំនាញៗ នៅមន្ទីរពេទ្យគន្ធបុប្ផា បានពិនិត្យឃើញថា ចៅ ភ្លោះស្រីរបស់គាត់ពីរនាក់ នោះមានបេះដូងចំហរ មិនអាចវះកាត់បាន ទេ ហើយបញ្ជូនចៅភ្លោះស្រី របស់គាត់ មកម្តាយគេវិញ នៅមន្ទីរពេទ្យកាល់ម៉ែត ។

លោក អ៊ុន សុភី ប្រាប់ឲ្យដឹងថា ចៅស្រីអភ័ពទាំងពីរ របស់គាត់បានកើតកាល ពីថ្ងៃទី៣ ខែតុលា ឆ្នាំ២០១៣ វេលា ម៉ោង០៧យប់ រហូតមកដល់ថ្ងៃទី១១ ខែតុលានេះ មានរយៈពេល ៨ថ្ងៃហើយ។

ពាក់ព័ន្ធនឹងសុខភាពរបស់ស្ត្រី ជាម្តាយលោក អ៊ុន សុភី ក៏ប្រាប់ឲ្យដែរថា នាងមានសុខ ភាពល្អធម្មតាទេ ប៉ុន្តែគួរ ឲ្យអាណិតអាសូរ្យ នាងណាស់ មានកូនទីមួយកើត មកមិនគ្រប់ខែ ស្លាប់ទៅវិញបាត់ ចំណែកកូនទីពីរ កើតមក ហើយ បែរជាអភ័ពមានក្បាលពោះជាប់គ្នា ផ្ចិតមួយ ដៃបួន ជើងបួន ក្បាលពីរ មើលទៅគួរឲ្យអាសូរ្យ ជាទីបំផុត ចៅរបស់គាត់មានឈ្មោះ ស្រីពីរ។

ជាមួយនេះដែរម្តាយក្មេងស្រីអភ័ព ក៏ដូចជាជីតា បានធ្វើការអំពាវនាវដល់ លោកគ្រូពេទ្យ ជំនាញទាំងក្នុង និង ក្រៅប្រទេស និងសម្បុរសជន មេត្តាជួយធ្វើការវះកាត់ ចៅស្រីកំសត់របស់គាត់ ដើម្បីឲ្យក្មេងស្រីទាំងពីរ មាន លក្ខណៈដូចមនុស្សធម្មតាផង ៕

Read More

UNESCO រៀបចំ យុទ្ធនាការ លើកកម្ពស់ ក្មេងស្រី នៅកម្ពុជា

ភ្នំពេញ៖ យោងតាម សេចក្តីប្រកាសព័ត៌មាន របស់អង្គការ UNESCO បានឲ្យដឹងថា នៅថ្ងៃទី១១ ខែតុលា ជាទិវាក្មេងស្រីអន្តរជាតិ ជាថ្ងៃដែលលើកកម្ពស់សិទ្ធិក្មេងស្រី និងរក្សាសិទ្ធិរវាងក្មេងស្រី និងក្មេងប្រុសពីការរើសអើង និងការប្រឆាំង ការរំលោភកេងប្រវ័ញ្ច លើក្មេងស្រីនៅទូទាំង ពិភពលោក។

ដោយឡែកសម្រាប់កម្ពុជា ទិវានេះក៏បានប្រព្រឹត្តទៅ ដោយមានយុទ្ធនាការចាក់បញ្ចាំង ខ្សែ ភាពយន្ត Hollywood ដែលបង្កប់អត្ថន័យអប់រំ ពីការលើកកម្ពស់ និងលើកទឹកចិត្តដល់ក្មេងស្រី ពីការទទួលបានសិទ្ធិស្មើភាពគ្នា ក្នុងការរៀនសូត្រដូចក្មេងប្រុសដែរ។

ខ្សែភាពយន្តនេះ ត្រូវបានដាក់បញ្ចាំងនៅរោងកុន Platinum Cineplexin ក្នុងរាជធានីភ្នំពេញ ដោយមានបទបង្ហាញ ពីមន្រ្តីក្រសួងកិច្ចការនារី អង្គការអន្តរជាតិផ្សេងៗ និងអង្គការដៃគូជាតិ ជាច្រើនទៀត ក្នុងយុទ្ធនាការចាក់បញ្ចាំងខ្សែភាពយន្តនេះ។ ខ្សែភាពយន្តអប់រំមួយនេះ ក៏បាន ដាក់បញ្ចាំងនៅ Meta House និងមានការដាក់បញ្ចាំងជាថ្មីម្តង ទៀតនៅថ្ងៃទី៥ ខែវិច្ឆិកា នៅរោង ភាពយន្ត Platinum Cineplex ។

មន្រ្តីអង្គការ UNESCO បានថ្លែងឲ្យដឹងថា វាជាយុទ្ធនាការមួយ ដើម្បីអប់រំក្នុងការបញ្ចៀស ប្រើ ប្រាស់អំពើហិង្សា លើក្មេងស្រីនៅកម្ពុជា ក៏ដូចនៅជាលើពិភពលោក។

នៅក្នុងខ្សែភាពយន្តនោះ បានរៀបរាប់ពីជីវិតក្មេងស្រីម្នាក់ ដែលរស់នៅក្នុងសំណង់ក្រីក្រ ក្នុងរាជធានីភ្នំពេញ ដែលនាងជាក្មេងកំព្រា និងត្រូវរើសសំរាម ដើម្បីចិញ្ចឹមជីវិត។ ប៉ុន្តែជីវិត របស់នាងបានប្រែក្លាយ បន្ទាប់ពីបានចូលសាលារៀន និងជាសិក្សពូកែម្នាក់ក្នុងថ្នាក់។

នាងបានបញ្ចប់សិក្សា ថ្នាក់វិទ្យាល័យ និងបន្តការនៅសាកលវិទ្យាល័យ។ នាងបាននិយាយថា “ ការសិក្សាជាទ្រព្យសម្បត្តិ សូមមេត្តាកុំបោះបង់ការសិក្សា ជួយខ្លួនឯងសិន ទើបយើងអាច ជួយអ្នកដទៃបាន បំណងប្រាថ្នាខ្ញុំ គឺថា ស្រ្តី និងក្មេងស្រី ដែលរស់នៅខុសគ្នា នឹងយល់ពី ស្ថានភាពនាង ដើម្បីកុំឲ្យអស់សង្ឃឹមក្នុងជីវិត ត្រូវតស៊ូដើម្បីអនាគត របស់យើងទាំងអស់គ្នា”។

លោកស្រី Anne Lemaistre មន្រ្តីតំណាងឲ្យ UNESCO បាននិយាយថា ជីវិតពិតរបស់សុខា នឹង ធ្វើស្រ្តី និងក្មេងស្រី យល់ពីតម្លៃរបស់ខ្លួន កុំបោះបង់ការសិក្សាជាដើម៕

Read More

ផ្លូវជាតិលេខ៥ បន្ទាយមាន ជ័យ-បាត់ដំបង ទឹកជន់លិច ជាច្រើន កន្លែង

បន្ទាយមានជ័យ ៖ កំណាត់ផ្លូវជាតិលេខ៥ ចាប់ពីក្រុងសេរីសោភ័ណ ខេត្តបន្ទាយមានជ័យ ឆ្ពោះមកខេត្ត បាត់ដំបង ត្រូវបានទឹកជន់លិច និងហូរកាត់ជាច្រើនកន្លែង កន្លែងខ្លះរាក់ និងកន្លែងខ្លះទៀតជ្រៅ បាន និង កំពុងបង្កផលលំបាកសម្រាប់អ្នកធ្វើដំណើរផងដែរ ។

បើតាមក្រុមអ្នកសារព័ត៌មាន មជ្ឈមណ្ឌលព័ត៌មានដើមអម្ពិល ដែលកំពុងចុះយកព័ត៌មាន និងផ្តិតយករូប ភាពជំនន់ ទឹកភ្លៀងតាមបណ្តាខេត្តកំពុងរងការលិចលង់នេះ បានឲ្យដឹងថា រហូតដល់ថ្ងៃទី១២ ខែតុលា ទឹកជំនន់ ដែលមួយ ផ្នែកជនលិចមកពីប្រទេសថៃ និងមួយផ្នែកទៀត បណ្តាលមកពីទឹកភ្លៀង ធ្លាក់ពីតំបន់ ភ្នំនោះ នៅតែបន្តលិចលង់ លំនៅដ្ឋាន ផលដំណាំប្រជាពលរដ្ឋជាច្រើន ។

ទឹកជំនន់នេះ ក៏បាន និងកំពុងជន់លិចផ្លូវជាតិលេខ៥ផងដែរ ចាប់តាំងពីក្រុងសេរីសោភ័ណ ខេត្តបន្ទាយ មានជ័យ ឆ្ពោះមកខេត្តបាត់ដំបង ដោយកន្លែងខ្លះរាក់ និងកន្លែងខ្លះទៀត មានជម្រៅរហូដល់ជិតកន្លះម៉ែត្រ បង្កជាផល លំបាកសម្រាប់ការធ្វើដំណើរ។ តែទោះជាយ៉ាងណា នៅកន្លែងដែលទឹកលិចជ្រៅនោះ គេ សង្កេត ឃើញមន្រ្តីនគរ បាលចរាចរណ៍ និងប្រជាពលរដ្ឋចាំជួយធ្វើចរាចរណ៍ផងដែរ ។

បើតាមមន្រ្តីនគរបាលចរាចរណ៍ បានថ្លែងឲ្យដឹងថា ជំនន់ទឹកភ្លៀង ដែលបង្កការបំផ្លិចបំផ្លាញយ៉ាង ធ្ងន់ធ្ងរ ដល់ប្រជា ពលរដ្ឋនេះ កំពុងតែស្រកជាបណ្តើរៗទៅវិញហើយ ហើយវាអាចនឹងស្រកអស់នៅអំឡុង ពេល ប៉ុន្មានថ្ងៃខាងមុខនេះ។

បើតាម លោក ញឹម វណ្ណដា អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្ដរាយ បានថ្លែងឱ្យ ដឹងថា គិតត្រឹមរសៀលថ្ងៃទី០៩ ខែតុលា ឆ្នាំ ២០១៣ ទឹកជំនន់ដែលកំពុងវាយលុក ២០រាជធានី-ខេត្ត ក្នុងប្រទេសកម្ពុជា បានសម្លាប់ប្រជាពលរដ្ឋកើនឡើង ១០៤នាក់ ប៉ះពាល់ប្រជាពលរដ្ឋ ១,៥លាននាក់ ប៉ះ ពាក់ផលដំណាំ ២សែន ២៥ម៉ឺនហិកតា ប៉ះពាល់ផ្លូវលំ ២៩០គីឡូម៉ែត្រ ផ្លូវក្រាលកៅស៊ូ និងផ្លូវជាតិ ១០៥ គីឡូម៉ែត្រ ប៉ះពាល់មណ្ឌលសុខ ភាព ៥០កន្លែង វត្ដអារាម ៧៦០កន្លែង សាលារៀន ១.២២០ខ្នង និងផ្ទះ ប្រជាពលរដ្ឋ ១២ម៉ឺន៣ពាន់ខ្នង ក្នុងនោះ ខូចខាតទាំងស្រុង ១០០ខ្នង។ តែទោះជាយ៉ាងណា ទឹកជំនន់ក៏ បាននិងកំពុងតែថមថយទៅវិញហើយផងដែរ ៕

Read More

រថយន្ដ ក្រឡុកស៊ីម៉ងត៍ ក្រុមហ៊ុនស៊ីផេក CPAC បុកកិន សិស្សិវទ្យាល័យ ជា ស៊ីម បឹងកេងកង ស្លាប់

ភ្នំពេញ ៖ ក្មេងប្រុសជាសិស្សវិទ្យាល័យ ជា ស៊ីម បឹងកេងកង ម្នាក់ បានស្លាប់យ៉ាងអាណោចអាធ័ម ដោយ សាររថយន្ដក្រឡុកស៊ីម៉ងត៍ របស់ក្រុមហ៊ុនស៊ីភីអេស៊ី (CPAC) បើកបុក និងកិនខ្ទេចក្បាល កាលពីវេលាម៉ោង ៣និង០៥នាទីល្ងាច ថ្ងៃទី១២ ខែតុលា ឆ្នាំ២០១៣ នៅតាមបណ្ដោយ ផ្លូវលេខ២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។

ជនរងគ្រោះមានឈ្មោះ លី សុខហេង អាយុ ១៧ឆ្នាំ ជាសិស្សថ្នាក់ទី៩ វិទ្យាល័យជា ស៊ីម បឹងកេងកង មានទីលំនៅ ផ្ទះលេខ៩៨តេ ផ្លូវសុធារស សង្កាត់ទន្លេបាសាក់ ខណ្ឌចំការមន ។

សាក្សីនៅកន្លែងកើតហេតុ បាននិយាយថា ជនរងគ្រោះជិះម៉ូតូម៉ាកស្គូពី ពណ៌ក្រហម ពាក់ស្លាកលេខភ្នំពេញ 1AQ-1620 តែម្នាក់ឯង ពីភ្នំពេញទៅតាខ្មៅ ចំណែករថយន្តបើកស្របទិសគ្នា ពេលមកដល់កន្លែងកើត ហេតុបុកពីក្រោយ ហើយកិនចំក្បាលជនរងគ្រោះស្លាប់តែម្តង ។ ចំណែករថយន្តបង្កបានបើកគេចចូល ក្រុមហ៊ុនរបស់ខ្លួននៅជិតកន្លែងកើតហេតុ ៕

Read More

Apple កាត់បន្ថយ​ការផលិត​ iPhone 5C ពាក់​កណ្ដាល​ ដោយ​គ្មាន​មូលហេតុ

កាលពីថ្ងៃទី ២០ ខែកញ្ញា ឆ្នាំ ២០១៣ កន្លងទៅ ក្រុមហ៊ុន Apple បានប្រកាសដាក់លក់ iPhone 5C និង iPhone 5S ជាផ្លូវការ ហើយក្រោយពីដាក់លក់ បានមួយសប្ដាហ៍ ក្រុមហ៊ុន Apple បានបញ្ជាក់ថា ខ្លួនលក់ iPhone ថ្មីបានចំនួន ៩លានគ្រឿង។

ដោយឡែកនៅពេលនេះ មានសេចក្ដីរាយការណ៍ថ្មី បានបញ្ជាក់ថា ក្រុមហ៊ុន Apple បានធ្វើការកាត់បន្ថយ ការផលិត iPhone 5C ដោយសារតែ តម្រូវការ iPhone 5C មិនពេញនិយម។

សារព័ត៌មាន Tech Spot បានចុះផ្សាយថា ក្រុមហ៊ុន Apple បានកាត់បន្ថយការផលិត iPhone 5C ពី ៣០០.០០០គ្រឿង មកនៅត្រឹម ១៥០.០០០គ្រឿង។ ប្រភពដដែលមិនបាន បញ្ជាក់អ្វីច្រើនោះទេ គ្រាន់តែដឹងថា ប្រហែលមកពី iPhone 5C មិនសូវពេញនិយម និងមានតម្រូវការតិច។
គួរបញ្ជាក់ផងដែរថា ក្រុមហ៊ុន Apple នឹងចេញលក់ iPhone ថ្មីនៅលើទីផ្សារ ៣៥ប្រទេសបន្ថែម ទៀតនៅខែក្រោយ៕

Read More

អ្នកវិភាគ៖ iPhone 6 អាច​នឹង​មាន​អេក្រង់​ទំហំ ៥អ៊ីង

ក្រុមហ៊ុន Apple ទើបតែបង្ហាញ និងដាក់លក់ iPhone 5S និង iPhone 5C កាលពីខែមុន ដោយឡែកនៅពេលនេះ ក្រុមអ្នកវិភាគបានលើកឡើងថា iPhone 6 អាចមានអេក្រង់ទំហំ ៥អ៊ីង។

លោក Brian White អ្នកវិភាគដ៏ជំនាញម្នាក់ មកពីស្ថាប័ន Cantor Fitzgerald បាននិយាយថា ក្រុមហ៊ុន Apple អាចនឹងធ្វើការកែ ទម្រង់ទៅលើ អេក្រង់សម្រាប់iPhone ជាពិសេសគឺ iPhone 6 ដោយវានឹង មានអេក្រង់ទំហំ ៥អ៊ីង។

អ្នកវិភាគ បាននិយាយថា ក្រុមហ៊ុន Apple អាចនឹងបង្ហាញអេក្រង់ ទំហំធំជាងបច្ចុប្បន្ន (៤អ៊ីង) នៅឆ្នាំ ២០១៤ ជាមួយនឹង iPhone 6។ ស្រដៀងគ្នានេះផងដែរថា លោក Peter Misek អ្នកវិភាគមកពីស្ថាប័ន Jafferies បាននិយាយថា iPhone 6 នឹងមានអេក្រង់ទំហំ ៤.៨អ៊ីង។

គួរបញ្ជាក់ផងដែរថា លោក Steve Jobs ស្ថាបនិក និងជាអតីតនាយកប្រតិបត្តិក្រុមហ៊ុន Apple បាននិយាយថា Apple មិនបង្កើត iPhone ដែលមានអេក្រង់ ធំជាងនេះនោះទេ ព្រោះថាវាធ្វើឲ្យ អតិថិជនពិបាក កាន់ក្នុងដៃ នៅពេលប្រើប្រាស់៕

Read More

តុលាការ​យុត្ដិធម៌​អន្ដរជាតិ ពន្យា​ពេលការ​ប្រកាស​សាលក្រម​លើ​សំណុំ​រឿង ប្រាសាទ​ព្រះវិហារ​ទៅឆ្នាំ​ក្រោយ

បាងកក៖ តុលាការរយុត្ដិធម៌អន្ដរជាតិ ទីក្រុងឡាកអេ បានប្រកាសពន្យាពេល ប្រកាសសាលក្រម លើសំណុំរឿង ប្រាសាទព្រះវិហារកាលពីឆ្នាំ១៩៦២ ដោយលើកទៅខែកុម្ភៈ ឆ្នាំ២០១៤វិញ ដោយហេតុផលថា តុលាការមួយនេះ ជាប់រវល់នឹងសំណុំរឿងផ្សេងៗជាច្រើនទៀត នេះបើយោងតាមការផ្សាយរបស់កាសែត The Nation ចេញផ្សាយនៅថ្ងៃនេះ។

តាមគម្រោងការណ៍ តុលាការយុត្ដិធម៌អន្ដរជាតិ នឹងត្រូវប្រកាសបកស្រាយសាលក្រម នៅខែតុលានេះ បន្ទាប់ពីបានបើកសវនាកា កាលពីពាក់កណ្ដាលខែមេសា ឆ្នាំ២០១៣ កន្លងទៅ ពាក់ព័ន្ធនឹងសំណុំរឿង បណ្ដឹងរបស់កម្ពុជាឲ្យបកស្រាយសាលក្រម តាំងពីឆ្នាំ១៩៦២ ស្ដីពីជម្លោះជុំវិញប្រាសាទព្រះវិហារ ជាមួយនឹងប្រទេសថៃ៕

Read More

ជនសង្ស័យម្នាក់ ក្រោយឆក់ ទូរស័ព្ទដៃ IPHONE 4 បានសំរេច ប្រឈមនិង ចំណាត់ការ របស់តុលាការ

ភ្នំពេញ ៖ ជនសង្ស័យម្នាក់ ប្រឈមនិងចំណាត់ការ របស់តុលាការ ក្រោយពីសមត្ថកិច្ច ឃាត់ខ្លួនបានជាក់ស្តែង ខណៈដែលជនសង្ស័យ បានធ្វើសកម្មភាព ឆក់យកទូរស័ព្ទដៃ IPHONE4 បានសំរេចពីសិស្សសាលាម្នាក់ ។

មន្ត្រីនគរបាលខណ្ឌទួលគោក បាននិយាយថា អំពើឆក់យកទូរសព្ទ័ដៃខាងលើបានកើតឡើងកាលពីរសៀលថ្ងៃទី១០ ខែតុលា ឆ្នាំ២០១៣ វេលាម៉ោងប្រហែល ១និង៤០នាទីនៅ ចំណុចមុខផ្ទះលេខ១៣៥E0 ផ្លូវលេខ១៣២ ក្រុមទី៣ ភូមិ១ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ។ ជនសង្ស័យម្នាក់នេះត្រូវបាន សមត្ថកិច្ច ប្រាប់ថាឈ្មោះ សោម ឌីណា ភេទប្រុស អាយុ១៨ឆ្នាំ ជនជាតិខ្មែរ មុខរបរពុំពិតប្រាកដ ស្នាក់នៅផ្ទះលេខ២៦ ផ្លូវលេខ១៣៨ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ ។ ចំណែកជនរងគ្រោះត្រូវបានគេស្គាល់ឈ្មោះ លី សុភា ភេទប្រុស អាយុ១៤ឆ្នាំ ជនជាតិខ្មែរ មុខរបរសិស្សវិទ្យាល័យជាស៊ីមសន្ធរម៉ុក ស្នាក់នៅផ្ទះលេខ៣០ ផ្លូវលេខ២៨៩ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។

មន្ត្រីដដែលបានបន្តរថា នៅមុនពេលកើតហេតុក្មេងប្រុសរងគ្រោះ ឈ្មោះ លី សុភា និង មិត្តភក្តិម្នាក់ ឈ្មោះមាន រិទ្ទរតនៈ បានដើរចេញពីរៀនគួរ ពេលដើរមកដល់កន្លែងកើតហេតុ ជនរងគ្រោះបានលើកទូរស័ព្ទដើម្បី និយាយ ស្រាប់តែជនសង្ស័យម្នាក់ធ្វើ សកម្មភាពលួចឆក់ទូរស័ព្ទដៃ ម៉ាក IPHONE4 ពណ៌ស របស់ក្មេង ប្រុសរងគ្រោះ ហើយរត់គេចខ្លួនតែម្តង។

ក្នុងស្ថានភាពនោះជនរងគ្រោះ ក៏បានស្រែកឆោឡោថាចោរៗ និងបានដេញតាមចាប់ ជនសង្ស័យពីក្រោយ ហើយពេលដេញនិងស្រែក ឆោឡោនោះក៏បានជួបកម្លាំងនគរបាល ប៉ុស្តិ៍ រដ្ឋបាលទឹកល្អក់ទី១ ដែល កំពុងល្បាតការពារ សុវត្ថិភាពនៅក្នុងមូលដ្ឋានទើបធ្វើអន្តរាគមន៍ដោយឃាត់ខ្លួន ជនសង្ស័យ ម្នាក់នេះ បានជាក់ស្តែងតែម្តង ។

បច្ចុប្បន្នជនសង្ស័យ ខាងលើកំពុងឃាត់ខ្លួន ជាបណ្តោះអាសន្ន នៅអធិការដ្ឋាននគរបាល ខណ្ឌទួលគោក ដើម្បីសាកសួរ និង ត្រៀមកសាងសំណុំរឿងបញ្ជូន ទៅសាលាដំបូងរាជធានីភ្នំពេញ ចាត់ការតាមផ្លូវច្បាប់ ៕

Read More

ព្រះរាជអាជ្ញា ដឹក​នាំ​កម្លាំង នគរបាល ចុះរឹបអូស​រថយន្ត ដែលពីរនាក់ ប្តីប្រពន្ធជួល ហើយយកទៅ បញ្ចាំស៊ីដាច់

ភ្នំពេញ ៖ រឿងរ៉ាវស្តីពីជនឆបោក ពីរនាក់ប្តីប្រពន្ធ ស្ទើរតែជារឿងប្រវត្តិសាស្ត្រ ឆបោកមួយនៅស្រុកខ្មែរនោះ គឺការជួលរថយន្តយក ទៅបញ្ចាំស៊ីដាច់ បាននឹងកំពុងប្រព្រឹត្តទៅយ៉ាងក្តៅគគុក រហូតមកដល់ថ្ងៃទី២៤ ខែសីហា ឆ្នាំ២០១៣ នេះ ខណៈដែលរថយន្តជាច្រើនគ្រឿង ត្រូវបានរកឃើញជាបន្តបន្ទាប់ នៅតាមកន្លែង បញ្ចាំនានា ក្នុងរាជធានីភ្នំពេញ និងខេត្តកណ្តាល ក្រោយពីជន ឆបោកទាំងពីរនាក់ប្តីប្រពន្ធ ដែលកំពុងរត់ គេចខ្លួននោះ បានយករថយន្ត ដែលជួលពីគេទៅបញ្ចាំ។

ជាក់ស្តែងនៅព្រឹកថ្ងៃទី២៤ ខែសីហា ឆ្នាំ២០១៣នេះ កម្លាំងនគរបាលការិយាល័យ កណ្តាលយុត្តិធម៌ នៃស្នងការដ្ឋាននគរបាល រាជធានីភ្នំពេញ ដឹកនាំបញ្ជាផ្ទាល់ពីសំណាក់ លោកឧត្តមសេនីយ៍ ជួន ណារិន្ទ ស្នងការរងនគរបាល និងមានការឯកភាពពីសំណាក់ ព្រះរាជអាជ្ញារង រាជធានីភ្នំពេញ មាស ច័ន្ទពិសិដ្ឋ បានចុះទៅឆែកឆេរ និងរឹបអូសយករថយន្តទាំងនេះ នៅពីរទីតាំង ទី១ ស្ថិតនៅក្នុងផ្សារស្តង់បុរីកីឡាថ្មី និងទីតាំងមួយកន្លែងទៀត ស្ថិតនៅផ្លូវលេខ ១១២ ក្រុមទី១៣ ភូមិទួលសង្កែ សង្កាត់ទួលសង្កែ ខណ្ឌឫស្សីកែវ ។

លោកឧត្តមសេនីយ៍ ជួន ណារិន្ទ បានថ្លែងឲ្យដឹងថា ប្រតិបត្តិការចុះឆែកឆេរ និងរឹបអូសយករថយន្តនៅតាម ទីតាំងខាងលើនេះ បានធ្វើឡើងក្រោយពីមានការបញ្ជាពីប្រធានតុលាការរាជធានីភ្នំពេញ លោក ជីវ កេង និងស្នងការនគរបាល រាជធានីភ្នំពេញ លោកឧត្តមសេនីយ៍ឯក ជួន សុវណ្ណ ក្រោយពីមានម្ចាស់រថយន្ត ជាច្រើន នាក់ មកដាក់ពាក្យបណ្តឹងនៅស្នងការដ្ឋាននគរបាលរាជធានីភ្នំពេញ ស្តីពីការឆបោក រថយន្តរបស់ប្តីប្រពន្ធ ទាំងពីរនាក់នោះ ។

បើតាមស្នងការរងនគរបាលរូបនេះ រថយន្តជិត ២០គ្រឿង ត្រូវបានរឹបអូសពីទីតាំងមួយចំនួន រួចហើយយក ទៅរក្សាទុកនៅស្នងការដ្ឋាននគរបាល រាជធានីភ្នំពេញ ហើយនៅក្នុងស្តង់ផ្សារបុរីកីឡាថ្មី រកឃើញរថយន្ត ប្រភេទសាំយ៉ុង និងទួរីស ជិត ២០គ្រឿង ខណៈដែលទីតាំងនៅភូមិទួលសង្កែ មានរថយន្តជាច្រើនគ្រឿង ផងដែរ។

យ៉ាងណាក៏ដោយ កម្លាំងនគរបាល ដែលដឹកនាំដោយតំណាងអយ្យការនេះ បាននឹងកំពុងបន្តប្រតិបត្តិការ របស់ខ្លួន នៅតាមទីតាំងខាងលើ។ គួរបញ្ជាក់ថា ពីរនាក់ប្តីប្រពន្ធ ប្តីឈ្មោះ អ៊ុយ សុឃុន អាយុ ៣៣ឆ្នាំ និងប្រពន្ធ កែវ ស្រីនិត អាយុ ២៥ឆ្នាំ រស់នៅសង្កាត់ចាក់អង្រែក្រោម ខណ្ឌមានជ័យ បានប្រើល្បិច ជួលរថយន្តគេជាច្រើន រយគ្រឿងយកទៅបញ្ចាំ ហើយក្រោយពីផ្ទុះ និងបែកធ្លាយរឿងឆបោកដ៏ធំមួយនេះ ទើបពួកគេទាំងពីរនាក់ បានរត់គេចខ្លួនអស់ ដែលតាមព័ត៌មានខ្លះប្រាប់ថា ពួកគេបានចាកចេញទៅក្រៅ ប្រទេសបាត់ហើយ ។

ប្រភពព័ត៌មានពីសមត្ថកិច្ច បានឲ្យដឹងថា ប្រជាពលរដ្ឋខ្លះតែម្នាក់ឯង ត្រូវអស់រថយន្តពីរបីគ្រឿង ខ្លះស៊េរី ទំនើប ដូចជារថយន្តកាមរីឆ្លាម កាមរីបាឡែន និងលុច្សស៊ីសជាដើម ដែលយកទៅជួលឲ្យពីរនាក់ប្តីប្រពន្ធនេះ ដើម្បីយក ប្រាក់ប្រចាំខែ ប៉ុន្តែត្រូវបានជនឆបោកខាងលើ យករថយន្តពួកគេទៅបញ្ចាំ ដោយសារតែមានកាតគ្រីរថយន្ត រួចជាស្រេចទៅហើយនោះ ។ បើតាមសមត្ថកិច្ច មានប្រជាពលរដ្ឋគ្រប់ស្រទាប់វណ្ណៈ ជាង ១០០នាក់ ដែលរងការចាញ់បោក បានដាក់ពាក្យបណ្តឹងទៅសមត្ថកិច្ច ជួយរកយុត្តិធម៌នៅក្នុងរឿង មួយនេះ៕

Read More