ការវិវត្តពីក្រុមហ៊ុនផ្គត់ផ្គង់សេវាទូរស័ព្ទគ្មានអ្វីសោះ
ទៅជាក្រុមហ៊ុនមានបុគ្គលិក ៤០០នាក់នៅក្នុងរយៈពេល៣ឆ្នាំមកនេះ។
យោងតាមអគ្គនាយកក្រុមហ៊ុន Smart Mobile លោក Thomas Hundt ក្រុមហ៊ុន
Smart Mobile មានសេវាអ៊ីនធឺណិតល្បឿនលឿនបំផុតនៅប្រទេសកម្ពុជា
រហូតដល់ល្បឿន២២មេហ្គាបៃ។
អគ្គនាយកវ័យ៣៤ឆ្នាំរូបនេះ
ដែលមានស្រុកកំណើតកើតជានៅទីក្រុងBlankenburg
ទឹកដីអតីតអាល្លឺម៉ង់ខាងកើតនោះ បានមានប្រសាសន៍ថា៖
«ប្រសិនបើលោកអ្នកចង់បានប្រព័ន្ធអ៊ីនធឺណិតនៅលើទូរស័ព្ទនៅប្រទេស
កម្ពុជា គ្មានជម្រើសណាលឿនជាងល្បឿន ២២មេហ្គាបៃនោះឡើយ
ប្រសិនបើលោកអ្នកមានទូរស័ព្ទល្អ»។
យោងតាមលោក Hundt សេវាអ៊ីនធឺណិតល្បឿនលឿនទាំងនេះ មាននៅរាជធានីភ្នំពេញ ខេត្តសៀមរាប កំពង់ចាម និងក្រុងព្រះសីហនុ។
ក្រុមហ៊ុន Smart គឺជាក្រុម-ហ៊ុនមួយក្នុងចំណោមក្រុមហ៊ុនធំៗ៣
ដែលផ្គត់ផ្គង់សេវាទូរស័ព្ទនៅប្រទេសកម្ពុជា
បានដាក់ទីស្នាក់ការធំនៅក្នុងអគារទំនើបមួយនៅផ្នែកខាងត្បូងមហា
វិថីព្រះមុនីវង្ស មានស្លាកសញ្ញាពណ៌បៃតងលាយសច្បាស់។
«ការប្រើប្រាស់អ៊ីនធឺណិតរបស់បណ្ដាញរបស់យើងកំពុងកើនឡើងយ៉ាងលឿន»។
កុមារភាពរបស់លោកនៅក្នុងសង្គមប្រកបដោយសណ្ដាប់ធ្នាប់នៃសាធារណ
រដ្ឋប្រជាធិប-តេយ្យអាល្លឺម៉ង់ (GDR)
បានជះឥទ្ធិពលយ៉ាងធំទៅលើទស្សនវិស័យរបស់លោក Hundt
ហើយវាជាការហ្វឹកហាត់ការងារដំបូងរបស់លោកនៅក្រុមហ៊ុន Siemens
ដែលបានបញ្ជូនលោកឲ្យធ្វើដំណើរលើផ្លូវរបស់លោកដែលនាំលោកចូលមក
កាន់ទីផ្សារទូរស័ព្ទចល័តរបស់ប្រទេសកម្ពុជា។
កាលពីកំពែងក្រុងប៊ែរឡាំង បានដួលរលំនៅពេលលោក Hundt
កាលនោះមានវ័យទើបតែ ១៣ឆ្នាំប៉ុណ្ណោះ។ លោកមានប្រសាសន៍បន្តថា៖
«ខ្ញុំអាចនៅចាំបាន ក្នុងអំឡុងពេលប៉ុន្មានសប្តាហ៍
និងប៉ុន្មានខែនោះមនុស្សគ្រប់រូបបានធ្វើដំណើរទៅកាន់អាល្លឺម៉ង់
ខាងលិច ដើម្បីទៅរកប្រាក់កាស និងដើរទៅទិញទំនិញនៅក្នុងផ្សារ»។
បើទោះបីជាប្រទេសអាល្លឺម៉ងដែលជាមាតុភូមិរបស់លោក Hundt
ត្រូវបានបង្រួបបង្រួមឲ្យស្ថិតក្រោមប្រព័ន្ធមូលធននិយមរបស់លោក
ខាងលិចក៏ដោយ ក៏លោកនៅតែអះអាងថា
ប្រព័ន្ធអប់រំរបស់អតីតសាធារណរដ្ឋប្រជាធិបតេយ្យអាល្លឺម៉ង់
អាចមានលក្ខណៈល្អប្រសើរជាងប្រព័ន្ធអប់រំដែលពួកគេមាននៅក្នុង
ប្រទេសអាល្លឺម៉ង់សព្វថ្ងៃ។
«ប្រព័ន្ធសិក្សាធិការនៅក្នុងអតីតសាធារណរដ្ឋប្រជាធិបតេយ្យ
អាល្លឺម៉ង់ មានលក្ខណៈខុសគ្នាទាំងស្រុង។
នោះគឺជាប្រព័ន្ធសិក្សាធិការឥតគិតថ្លៃចាប់ពីថ្នាក់ទី១
រហូតដល់ថ្នាក់ទី១០។ ប្រព័ន្ធអប់រំនោះ
អាចប្រកួតប្រជែងជាមួយប្រព័ន្ធអប់រំនៅអាល្លឺម៉ង់ខាងលិចដោយងាយ
ស្រួល។
បន្ទាប់ពីបំពេញកាតព្វកិច្ចរយៈពេល១ឆ្នាំនៅក្នុងជួរកងទ័ពរបស់ប្រទេសអាល្លឺម៉ង់ទើប
នឹងបង្រួបបង្រួមថ្មីមក លោក Hundt
ត្រូវបានគេអនុញ្ញាតឲ្យចូលសិក្សាក្នុងកម្មវិធី Siemens
សម្រាប់យុវជនក្មេងៗមានសក្ដានុពលខ្ពស់។
តាមរយៈការសិក្សានៅសាកលវិទ្យាល័យ Siemens ដែលលោកបានបម្រើការ
និងសិក្សាអស់រយៈពេល ២ឆ្នាំនោះ
លោកបានកំពុងបម្រើការងារនៅក្នុងដេប៉ាតឺម៉ង់ផ្សេងៗ
ក្នុងនោះមានកម្មវិធីសិក្សាពាណិជ្ជកម្ម គណនេយ្យ ហិរញ្ញវត្ថុ ច្បាប់
រដ្ឋបាលពាណិជ្ជកម្ម។
បន្ទាប់ពីចំណាយពេល ២ឆ្នាំនៅក្នុងកម្មវិធីសិក្សានោះមក លោក
Hundt ទៅបម្រើការឲ្យក្រុមហ៊ុន Siemens
នៅទីក្រុងមុយនិកខាងផ្នែកលក់នៅក្នុងវិស័យហេដ្ឋារចនាសម្ព័ន្ធ
ទូរគមនាគមន៍ ដែលបាននាំលោកទៅដល់កោះតៃវ៉ាន់
ប្រទេសចិនអស់រយៈពេលជាង១ឆ្នាំ ព្រមទាំងប្រទេសរុស្ស៊ី និងអ៊ុយក្រែន
ខាងផ្នែកលក់ទូរស័ព្ទចល័ត។
នៅប្រទេសអាស៊ែបៃហ្សង់ លោក Hundt
បានបម្រើការជាសមាជិកក្រុមប្រឹក្សាភិបាលនៃក្រុមហ៊ុនផ្គត់ផ្គង់
សេវាទូរគមនាគមន៍ Azerphone។ ក្រោយមក
លោកបានបម្រើការនៅក្នុងក្រុមហ៊ុនផ្គត់ផ្គង់សេវាទូរគមនាគមន៍ថ្មី
នៅប្រទេសតួកមេនី-ស្ថាន ដោយធ្វើជាតំណាងទាំងអស់របស់ក្រុមហ៊ុន
Siemens នៅចន្លោះឆ្នាំ១៩៩៦ ដល់ឆ្នាំ២០០៨។ នៅអំឡុងពេលនោះ
លោកបានជួបនឹងក្រុមវិនិយោគិនជាច្រើននៅក្នុងវិស័យទូរគមនាគមន៍
ក្នុងនោះមានក្រុមហ៊ុន Latelz ដែលទទួលបានអាជ្ញា-ប័ណ្ណនៅកម្ពុជា
ហើយក្រុមហ៊ុននេះបានស្វែងរកមនុស្សម្នាក់សម្រាប់កសាងក្រុមមួយ
និងចាត់ចែងអាជីវកម្ម។
លោកមានប្រសាសន៍បន្តថា៖
«នោះគឺជាពេលដែលខ្ញុំបានផ្លាស់ប្ដូរពីអ្នកលក់សេវាទូរគម-
នាគមន៍ទៅជាប្រតិបត្តិករទូរគមនាគមន៍។ ជាប្រតិបត្តិករម្នាក់
គឺមានលក្ខណៈកាន់តែស្មុគស្មាញកាន់តែច្រើន។
នៅពេលយើងចាប់ផ្ដើមធ្វើការងារជាផ្លូវការ នៅថ្ងៃទី០១ ខែមិថុនា
ឆ្នាំ២០០៨ យើងអត់មានបុគ្គលិក គ្មានស្លាកសញ្ញា គ្មានបណ្ដាញ
គ្មានការិយាល័យ
ហើយយើងចាប់ផ្ដើមក្លាយខ្លួនជាប្រតិបត្តិករទូរគមនាគមន៍អាជីពមួយ»។
លោក Hundt បានជ្រើសរើសមនុស្សដំបូងមកធ្វើការខាងផ្នែកបច្ចេកទេស
ទីផ្សារ ធនធានមនុស្សរដ្ឋបាល និងគណនេយ្យ។
គេបានជួលអគារនេះនៅភាគខាងត្បូងដងមហាវិថីព្រះមុនីវង្ស
និងកាន់កាប់វារហូតមកដល់បច្ចុប្បន្ននេះ។
លោក Hundt បានបញ្ជាក់ថា
ជំហានដ៏សំខាន់មួយនៅក្នុងដំណើរវិវត្តន៍ដ៏រហ័សនេះ
គឺការច្របាច់បញ្ចូលគ្នាជាមួយក្រុមហ៊ុន Star-Cell កាលពីខែធ្នូ
ឆ្នាំ២០១០ ដែលនោះគឺជាដំណើររីកចម្រើនមួយរបស់ក្រុមហ៊ុន Smart
ពីអតិថិជន ៣សែននាក់ឡើងដល់ ៦សែននាក់នៅពេលនោះ និងឡើងដល់
១,៥លាននាពេលសព្វថ្ងៃ។
ក្រុមហ៊ុន Star-Cell សព្វថ្ងៃនេះ
មានភាគហ៊ុន២៥ភាគរយនៅក្នុងក្រុមហ៊ុន Smart។
ការច្របាច់បញ្ចូលគ្នានេះ ក៏បានធ្វើឲ្យក្រុមហ៊ុន Smart
ក្លាយជាអ្នកផ្គត់ផ្គង់សេវាទូរស័ព្ទលំដាប់ទី ៣ នៅក្នុងទីផ្សារ
បន្ទាប់ពីក្រុមហ៊ុន Cellcard និងក្រុមហ៊ុន Metphone។
លោក Hundt ថ្លែងដោយរីករាយថា៖ «នៅពេលយើងមកដល់កម្ពុជា
យើងគឺជាប្រតិបត្តិករលំដាប់ទី៧។
គោលបំណងរបស់យើងគឺក្លាយខ្លួនទៅជាប្រតិបត្តិករលំដាប់លេខ ៣
ដែលយើងបានឈានដល់ដូចសព្វថ្ងៃនេះ។
លោកបានចែករំលែកនូវអ្វីដែលលោកជឿជាក់ថា
ជ័យជម្នះសម្រេចឡើងពីលេខ ៧ មកលំដាប់លេខ ៣ នៅក្នុងទីផ្សារថា៖
«យើងបាននាំមកនូវស្លាកសញ្ញាដ៏ថ្មីសន្លាងគួរឲ្យទាក់ទាញ់មួយ
ផលិតដោយពួកយើងផ្ទាល់ សម្រាប់ពួកយើង
ធ្វើការជាមួយភ្នាក់ងារមួយនៅក្នុងកញ្ចប់ស្លាកសញ្ញាពេញលេញមួយ
ដើម្បីធ្វើឲ្យយើងប្លែកពីគេ។ លោកបន្តថា៖
«ទស្សនៈមួយជ្រុងខាងបច្ចេកវិទ្យា
យើងដូចគ្នាទៅនឹងក្រុមហ៊ុនទាំងអស់ទៀតនៅពេលចាប់ផ្ដើម។
យើងត្រូវចូលមកចំពេលមានគុណវិបត្តិដ៏ធំមួយ ប៉ុន្តែសព្វថ្ងៃនេះ
យើងកំពុងគ្របដណ្ដប់លើ ២៣ខេត្ត»។
ដើម្បីកែលម្អចំណុចទន់ខ្សោយនាគ្រាដំបូងបន្ថែមពីលើស្លាកសញ្ញា
ខ្លាំងក្លាមួយនោះ លោក Hundt បានបើកមណ្ឌលបម្រើអតិថិជន ២៤ម៉ោង
និង៧ថ្ងៃក្នុងមួយសប្តាហ៍៕ DT
Saturday, June 8, 2013
ក្រុមហ៊ុន Smart មានសេវាអ៊ីនធឺណិតល្បឿនលឿនបំផុតក្នុងពិភពសេវាអ៊ិនធឺណិតនៅកម្ពុជា
0 comments:
Post a Comment